Лукас Дињ во прв момент требаше да биде природна алтернатива за повредениот Нуно Мендеш на левата бековска позиција во ПСЖ, но Луис Енрике реши да му даде шанса на искусниот Лукас Ернандес, кој вчера потсети на своите најдобри денови од времето кога блескаше без повреди.
Извонредниот дефанзивец одигра неверојатна партија и ги доби речиси сите дуели со Ламин Јамал, па затоа беше посебно фрустриран кога младата ѕвезда постигна гол само неколку секунди откако тој го напушти теренот.
Грешката на Заир-Емери резултираше со страшен гол на Јамал, нешто што претходно цели 80 минути не го дозволуваше 30-годишниот стопер кој во минатото одлично одговарал и како лев бек.
Ернандес го покажа тоа уште еднаш со извонредниот „фластер“ кој го одигра на Јамал и со голот кој го постигна, но привлече внимание и со сеирот кој му го фаќаше на помладиот колега на теренот, како и со изјавата по дербито кое заврши со 4:2.
– Ламин Јамал? Навистина станува збор за голем играч, но знаев дека му направам големи проблеми ако бидам блиску до него и бидам агресивен. Тоа и се случи, – изјави Ернандес.
Lucas Hernández se moquant de Lamine Yamal après le but.
😂😂😂😂😂😂 https://t.co/BDh4b25kii
— RIAD 🇲🇦 (@Riad_RMA) October 20, 2026
