Јувентус беше потопен на домашен терен од Лацио (3-0), негативен резултат кој сосема очекувано донесе големи критики за тренерот, играчите, но и управата за направените потези за летниот преоден рок и претходно.
Меѓутоа како што е секога, тренерот е прв на удар и дефинитивно се зголемува притисокот над Лучано Спалети.
Околу целата оваа ситуација на Јувентус се огласи и контраверзниот Лучијано Моџи кој смета дека на екипата и недостасува тренер.
-Не би рекол дека тимот играше лошо. Би рекол дека воопшто не играа. Да се зборува за нивниот настап е несоодветно, тие не излегоа на теренот. Ако ги слушнете коментарите на Бремер, ќе ја разберете ситуацијата на тимот. Останатото треба да се прашаат оние кои се на врвот, а не мене.
-Тренерот недостасува. тоа е основниот проблем. Ако Бремер го каже тоа јавно, тоа е доволно фер, но според мене тој направи огромна грешка при третиот гол. Го придружуваше играчот 500 метри и му дозволи да шутира. Секој си гледа само за својот дел, -истакна Моџи кој запрашан за статусот на Спалети и дали Антонио Конте е потенцијална замена, тој одговори:
-Тоа се сигурни работи што не требаше да ги има. Ништо не е сигурно во моментов. Кога слушате вакви коментари, повредите не се изговор. Прашајте ги навивачите. Не можам да судам однадвор, -заврши некогашниот оперативец на „старата дама“
