Некои работи не се менуваат: Варди се врати во Англија и продолжи да решета и 20. сезона по ред

Искусниот 39-годишен напаѓач брзо се откажа од идејата да има и втора сезона во италијанскиот фудбал, па после една година надвор од дома, одново се врати на Островот.

Иако чекаше понуди од прволигаши, Варди на крајот не доби таква привилегија и прифати понуда од Барнли, а вчера го постигна првиот гол во новата средина.

39-годишниот напаѓач се загреваше на првите три средби по трансферот и добиваше шанса од клупата, но на вториот натпревар како стартер во Чемпионшип почна да дава резултати.

Варди се отвори во свој карактеристичен стил и сигурно погоди за водство од 1:0 на Барнли, но тоа не беше доволно за победа, бидејќи Вулвс направи пресврт и победи со 1:2.