Сменетиот венецуелски претседател Николас Мадуро и неговата сопруга Силија Флорес се изјаснија за невини по обвиненија во САД за тортура и заговор. Ако бидат прогласени за виновни, им се заканува казна од 50 години затвор. Судскиот процес треба да започне во јуни 2027 година.
Сменетиот венецуелски претседател Николас Мадуро и неговата сопруга, Силија Флорес, вчера пред судот во Њујорк изјавија дека не се чувствуваат виновни по новото обвинение, кое ги товари за заговор за вршење тортура врз политички противници, пренесува
Новите обвиненија, поднесени минатиот четврток, значително го прошируваат кривичниот предмет против 63-годишниот Мадуро и неговата 70-годишна сопруга. Тие претходно веќе се изјаснија дека не се виновни по обвиненијата за злоупотреба на своите позиции со цел да им помогнат на трговци со дрога во транспортот на кокаин.
BREAKING: Ousted Venezuelan leader Nicolas Maduro and his wife, Cilia Flores, each pleaded not guilty Thursday to new charges accusing them of torturing people, including Americans, to help them cling to power.
Read more: https://t.co/74Ok9sHxwA https://t.co/5nWZ8ECA08
— ABC News (@ABC) October 15, 2026
Мадуро и Флорес – кои беа фатени од американската војска во јануари, за време на операција наредена од претседателот Доналд Трамп – се појавија пред американскиот окружен судија Алвин Хелерстајн во федералниот суд на Менхетен. Тие беа доведени на рочиштето облечени во беж затворски униформи, со окови на нозете.
Мадуро: Целосно го отфрлам обвинението
Кога судијата побара од него да се изјасни за вината, Мадуро тврдеше дека наводите се веќе изнесени претходно и дека се лажни. „Ја разгледав целата содржина, судија Хелерстајн“, рече Мадуро, мислејќи на обвинението. „Целосно го отфрлам овој документ“, додаде тој
Maduro pleads not guilty to new torture-related charges in New York https://t.co/BrSeOWQsAq
— BBC News (World) (@BBCWorld) October 15, 2026
Судијата го прекина и наложи во записникот да се внесе изјава дека тој не се чувствува виновен. Неговата сопруга, Силија Флорес, исто така ги отфрли обвиненијата. „Јас сум целосно невина. Не сум виновна“, изјави таа. Мадуро и Флорес не се обвинети дека лично вршеле тортура врз политички противници, туку дека учествувале во заговор за спроведување таква тортура.
Доколку бидат прогласени за виновни по сите точки, на секој од нив му се заканува задолжителна минимална казна од 50 години затвор. Поради новите обвиненија, судијата Хелерстајн го одложи почетокот на судењето за две недели. Сега е предвидено судењето да започне на 14 јуни 2027 година.
BREAKING: Former Venezuelan President Nicolás Maduro and his wife plead not guilty to torture charges.
Through a translator, Maduro says, "I reject this document in its entirety of false accusations and allegations."
The judge also sets December 17 for oral arguments on the couple’s drug trafficking charges.
@HARRISFAULKNER @FaulknerFocus
— Fox News (@FoxNews) October 15, 2026
Обвинителите тврдат дека Мадуро наредил тортура врз противниците.
Американските обвинители на Менхетен тврдат дека Мадуро им наредил на венецуелски функционери да вршат тортура врз опозициски политичари и воени лица, за кои постоело сомневање дека планираат негово соборување од власт. Според обвинението, неговата цел била да ја задржи власта во Венецуела. Еден од инцидентите опишани во обвинението наведува дека, во 2014 година, Мадуро наредил киднапирање на воени лица со цел да извлече информации за потенцијалните противници на режимот.
Обвинителите тврдат дека тој им дал насоки на функционерите „да извршат поголем притисок“ врз оние што пружале отпор. Во обвинението понатаму се наведува дека, за време на еден состанок, Флорес се согласила со овој план и го одбила алтернативниот предлог за прибирање информации преку инфилтрирање во редовите на опозицијата.
