Клуб Бриж направи изненадување и славеше над Интер со 4-3 на средбата од второто коло во Лигата на шампионите.
Домаќините имаа една и единствена цел да ги освојат трите бода, но наидоа на незгоден ривал, противник кој ги искористи сите нивни слабости и успеа да постигне дури четири гола на „Џузепе Меаца“ што е фантастично.
Три од нив беа дело на напаѓачот Николо Тресолди кој стана првиот играч со хет-трик за Бриж во ЛШ, но и најмлад Германец со ваков учинок.
-Сега сум речиси повознемирен отколку што бев пред почетокот на натпреварот. Беше неверојатно, неописливо, толку многу пати сонував за ваква ноќ, но да постигнам три гола и да победам тука на Сан Сиро е неописливо. Целото мое семејство и пријатели беа исто така на трибините, едноставно е фантастично, -истакна Николо.
-Добив многу пораки од навивачите на Милан пред натпреварот, ми велеа да постигнам гол и да победам. Среќен сум пред сè што Клуб Бриж победи, за целиот белгиски фудбал, но ќе признаам дека беше малку дерби за мене. Многу е, -додаде напаѓачот кој посочи како се подготвувале за соочувањето со клубот од Серија А.
-Знаевме дека Интер е најдобриот тим во Италија и еден од најдобрите во светот. Сакавме да притискаме високо, бидејќи сакаат да минуваат низ ниски блокови, а ние сакавме да ги извлечеме максимумот од сите грешки, да бидеме клинички пред голот. Мислам дека имавме и многу посед на топката, ние сме млад тим, тренерот ни рече да не се плашиме, да играме еден на еден и да го извлечеме максимумот од сите грешки што ќе ги направат, -порача Тресолди кој допрва ќе донесе клучна одлука, дали ќе продолжи да го носи дресот на германската репрезентација или ќе заигра за Италија од каде има корени.
