Во Ирска избувна пожар во куќа во градот Вотерфорд, каде што повеќе лица, вклучувајќи и деца, го загубија животот. Пожарникарите интервенирале брзо, но се истражуваат околностите на настанот, а полицијата сè уште не дава дополнителни детали.
Повеќе лица загинаа во пожар што избувна утринава во семејна куќа во градот Вотерфорд, во југоисточна Ирска, потврди ирската полиција.
Според локалната радиостаница WLR FM, меѓу загинатите има и деца.
Инцидент
Службите за итни случаи добиле пријава за пожарот околу 5:13 часот наутро по локално време. Пожарот избувнал во куќа на улицата „Берч Birch Avenue, во населбата Birchwood. На местото на настанот пристигнале неколку противпожарни екипи од блиските станици. До моментот на нивното пристигнување, пожарот веќе бил силно разгорен.
Follow updates after a number of people are understood to have died in a fire at a house in Waterford city
https://t.co/BTBewKj2Jq— RT9 News (@rtenews) October 13, 2026
Акција на пожарникарите
Пожарникарите извлекле жртви од куќата
„Пожарникарите веднаш почнаа со гаснење на пожарот и извлекоа неколку жртви од куќата на два ката. Пожарот е изгаснат, а местото на настанот е предадено на полицијата“, соопштија од противпожарната служба. Полицијата потврди дека нивни службеници и други служби за итни случаи остануваат на местото на настанот.
Непотврдени информации
На социјалните мрежи се појавија информации дека загинале три деца и едно возрасно лице и дека пожарот можеби бил подметнат; сепак, ирската полиција сè уште не ја потврдила оваа информација.
„Бидејќи операцијата е во тек и ситуацијата се развива, ирската полиција во овој момент не може да даде дополнителни детали“, изјавија од таму. Точниот број на загинати сè уште не е познат, а околностите под кои избувнал пожарот сè уште не се разјаснети.
Податоци од локалните медиуми
Локалните медиуми претходно известуваа дека на 18 септември во истата населба бил намерно запален автомобил. Полицијата тогаш започнала истрага, но нема потврда дека тој инцидент е поврзан со денешниот пожар.
Денес
