Алијансата за Албанците ја поздравува средбата меѓу министрите за надворешни работи на Северна Македонија и Бугарија и истакнува дека иднината на земјата не треба да биде заложник на политички конфликти, туку е важно да се продолжи патот кон европските интеграции.
Алијансата за Албанците ја поздравува најавената средба меѓу министрите за надворешни работи на Северна Македонија и Бугарија и дава целосна поддршка на секој процес што може да доведе до надминување на блокадата и продолжување на европската интеграција, истакнуваат од оваа партија.
Иднината на земјата, потенцираат од партијата, не смее да биде заложник на политички инаети, огорчености или партиски битки. „Државниот интерес и европската перспектива мора да бидат над секоја дневнополитичка калкулација.
Секој сериозен дијалог што нè приближува до решение, секоја средба што отвора пат и секој чекор што нè води кон Европската Унија ќе ја има нашата поддршка.
Сега се потребни одговорност, зрелост и волја за решение. Граѓаните чекаа доволно. Земјата мора да оди напред“.
