Четири лица загинаа во американски напад врз брод на Карибите, што е дел од операциите на САД против нарко-терористите во регионот. Експертите за човекови права ја критикуваат законитоста на ваквите акции и бројот на загинати во текот на овие операции.
Американската војска синоќа потврди дека четири лица загинале во напад врз пловен објект во Карипското Море. Ова е најновиот во низата напади што Вашингтон ги оправдува како борба против „нарко-терористите“, додека експертите за човекови права ги осудуваат како вонсудски убиства.
Досега, повеќе од 220 лица се убиени во американски напади врз вакви пловни објекти на Карибите и во Источниот Пацифик. Експертите за човекови права и активистите во САД и ширум светот ја доведуваат во прашање законитоста на овие операции.
On October 4, under the direction of #SOUTHCOM, Joint Task Force Western Hemisphere executed a lethal, kinetic strike on a go-fast vessel operating along established narco-trafficking routes in the Caribbean. Confirmed intelligence revealed the vessel’s active involvement in narco-trafficking. The operation killed four narco-terrorists. @DeptofWar
— U.S. Southern Command (@Southcom) October 5, 2026
Соопштение на американската војска
Американската јужна команда објави на платформата „Икс“ дека извршила „смртоносен, кинетички напад врз глисер што се движел по воспоставени рути за шверц на дрога на Карибите“. Во објавата се наведува „потврдено разузнавачко сознание“ како доказ дека пловниот објект бил активно вклучен во шверцот со дрога, но не беа понудени дополнителни детали.
