СДСМ упатува критики кон владата на Мицкоски поради неспособноста да ги менаџира здравствените кризи, при што Македонија бележи најголем број на заболени и починати од западнонилска треска во Европа. Институциите реагираат со задоцнување, а граѓаните страдаат од тоа.
„Во Македонија до 1 септември годинава се регистрирани вкупно 56 случаи на западнонилска треска, има и 7 починати. Македонија е на првото место во Европа по бројот на заболени во однос на бројот на жители, пред земји како Италија, Грција, Романија. Повторно, исто како и здравствената криза со труењето во Гостивар, здравствените институции на Мицкоски закаснија со реакцијата“, велат од СДСМ.
„Владата на Мицкоски нема капацитет да превенира и да го заштити здравјето на граѓаните, туку реагира дури откако кризата ќе ескалира. Дури ниту против комарци не прскаат навреме, и со тоа задоцни Орце Ѓорѓиевски.
Не функционира системот за превенција, заштита и контрола на вектор-преносливи болести. Не функционаат градоначалниците на ВМРО-ОКГ.
Не функционираат здравствените институции. Државата не менаџира со епидемијата – туку само реагира на нејзините последици. Цената ја плаќаат граѓаните, со своето здравје“, соопшти СДСМ.
