Круз Хјуит и Мајла Федерер, децата на тениските легенди Лејтон Хјуит и Роџер Федерер, привлекле внимание откако биле снимени заедно на трибините на Ју-Ес Опен. Нивното дружење на стадионот „Артур Еш“ брзо поттикна шпекулации дали меѓу нив има нешто повеќе од пријателство.
Седумнаесетгодишниците за време на вечерната програма во понеделникот седеле еден до друг, разговарале и се смееле, а во еден момент заедно гледале нешто на мобилен телефон. Нивната блискост поттикна бројни реакции од корисниците на социјалните мрежи, па набрзо се појавија коментари за можна романса.
Заедно го следеле мечот
На трибините биле и сестрата близначка на Мајла, Шарлин, како и нејзиниот помлад брат Лео. Тие седеле одвоено од Мајла и Круз додека заедно го следеле мечот на Бен Шелтон.
Круз тргнал по стапките на својот татко и гради сопствена тениска кариера. Синот на поранешниот светски тениски рекет број еден Лејтон Хјуит веќе извесно време привлекува внимание како еден од младите австралиски таленти, а неодамна стигнал и до најдобриот пласман во досегашната кариера – 354. место на АТП-листата.
Мајла е едно од четирите деца на Роџер Федерер и неговата сопруга Мирка. Роџер и Мирка имаат два пара близнаци – ќерките Мајла и Шарлин и синовите Лео и Лени.
Не се првпат видени заедно
Нивните сè почести заеднички појавувања беа доволни дел од обожавателите да почнат да шпекулираат за можна љубовна врска. Меѓутоа, засега нема потврда за таквите тврдења, а ниту Хјуит ниту Федерер јавно не проговориле за природата на нивниот однос.
