Рускиот претседател Владимир Путин денеска изјави дека додека се возел низ шума, наишол на тигар кој не сакал да се тргне од патот пред автомобилот во кој се наоѓал.
Путин, за време на обраќањето на пленарната седница на Источниот економски форум во Владивосток, го нарекол тигарот „господар на тајгата“.
🐅 Putin said he encountered a tiger in the Russian Far East: “It was walking along, wagging its tail”
— NEXTA (@nexta_tv) September 3, 2026
The animal allegedly blocked the road in front of the dictator’s car as he was, for some reason, driving through the forest. pic.twitter.com/db99uXGOgI
„Знаете, не можам а да не го споделам ова со вас. Се возевме со автомобил низ шумата, кога одеднаш излезе тигар и тргна право пред автомобилот. Мавташе со опашката и никако не сакаше да се тргне. Господар на тајгата. Беше многу интересно да се види сето богатство на овие краишта“, изјавил Путин.
Источниот економски форум се одржува од 1 до 4 септември во Владивосток, на југоистокот на Русија, кој е најголемото руско пристаниште на Тихиот Океан. На знамето и грбот на градот е прикажан амурскиот, односно сибирскиот тигар, кој е симбол на тој регион.
Потсетуваме, Путин за својот 56. роденден добил на подарок младенче тигар, старо два и пол месеци, по име Маша, кое денес живее во зоолошката градина во Гелендик.
