Миле Лефков од ВМРО-ДПМНЕ го критикува Венко Филипче и правосудството, посочувајќи дека постапките на обвинителот Ислам Абази и одлуките поврзани со модуларните болници штетат на Македонија и нејзиниот пат кон ЕУ.
„Венко Филипче откако се врати од одморот на Егејот со неговиот другар Зоран Заев продолжи со истиот речник на лаги, манипулации. И неколку дена го слушавме како се фалеше што обвинителството непокренало обвинение за 19 модуларни болници, а во една од нив изгореа 14 пациенти“, кажа Миле Лефков, член на ИК и пратеник на ВМРО-ДПМНЕ.
„Замислете Филипче се фали со дел од правосудството кое има два проценти доверба, конкретно обвинителството и обвинителот Ислам Абази, човек близок на ДУИ и СДС.
Абази и овој пат, иако во заминување покажа дека се уште работи за газдите, СДС и ДУИ.
И кратко да потсетиме што направи овој пат обвинителот. Застана зад Филипче кој дозволил изградба на модуларните надвор од сите правила на законот за градење, мислел само на задоволување на личните и партиските интереси, не ги слушал стручњаците од Министерството за здравство.
Ваквите одлуки на обвинителот во заминување Абази, и носат штета на Македонија во она што значи владеење на право, пат кон ЕУ. Оттука СДС и Филипче не треба да се фалат со вакви постапки кои практично и штетат на Македонија. Воедно клучно е да се има во вид дека во случај на евентуално нови докази може да има повторно постапка за истото дело“, изјави Миле Лефков, член на ИК и пратеник на ВМРО-ДПМНЕ.
