Шест лица беа убиени, а четворица други беа повредени во ноќните украински ракетни напади врз рускиот регион Белгород, изјави вршителот на должноста гувернер на регионот, Александар Шуваев, рано утрово на Телеграм дека меѓу повредените е и 14-годишно дете, објавува.

Напади од двете страни на границата

Новите напади се случија само една ноќ по она што руските власти го опишаа како „најголемиот“ украински напад оваа година, во кој беа убиени најмалку седум лица. Истата ноќ, во руските напади врз Украина, исто така загинаа најмалку седум луѓе, а повеќе од 39 беа повредени.

Шуваев објави дека во последните напади е запалена зграда и оштетен автомобил во селото Колосово, во округот Валујски, во близина на границата со Украина. Тој потврди дека едно повредено дете е однесено во болница и дека две лица биле лекувани на местото на настанот.

Чести напади и меѓусебни обвинувања

Во последните недели, Москва ги засили ракетните напади врз цели низ Украина. Од друга страна, Киев ги интензивираше нападите со беспилотни летала длабоко на руска територија. Двете страни се обвинуваат меѓусебно за напади врз цивилното население.