Тигрес успеа да преживее два црвени картони и да го елиминира Ванкувер во Лига Купот во Северна и Средна Америка, но пред да слави мекиканскиот клуб на пенали, во самата завршница се случи една ситуација која стана вирален хит.
Нахуел Гузман е голман на Тигрес и со оглед на возраста може слободно да се каже дека направи една несекојдневна тинејџерска глупост, па има и среќа што тоа не го чинеше неговиот тим елиминација.
Откако Тигрес веќе имаше играч помалку на теренот, Гузман имаше помрачување и реши сам да дели правда на теренот, па во ситуација кога требаше да изведе почетен удар од својот шеснаесетник, реши да трча 50-тина метри со топката во раце поради прекин на играта.
40-годишниот чувар на мрежата почна сам да воведува ред на теренот и тргна да изведува прекршок на средината, но пред да го направи тоа, го оттурна и главниот судија.
Овој негов потег беше доволна причина да добие директен црвен картон, а ситуацијата која ја режираше во Северна и Средна Америка се оценува како една од најбизарните во последните неколку години.
¡Nahuel Guzmán (Tigres UANL) toma el balón, sale de su área, patea al árbitro antes de patear el balón y se va expulsado durante el partido de Leagues Cup ante Vancouver Whitecaps! Narración de @jpereznavarro para Apple TV en Español (EE.UU.) pic.twitter.com/ME0jIkM5nt
— lilboimx (@lilboimx) August 12, 2026
