Вчера во 17:00 часот во Скопје, полициски службеници од СВР Скопје го лишија од слобода 34-годишниот И.А.Л. од Скопје.
Претходно, во 15:10 часот на улицата „Пролет“ во Скопје, со патничко возило „матиз“ со скопски регистарски ознаки, кое го управувал, учествувал во сообраќајна незгода со патничко возило „хонда“ со скопски регистарски ознаки, управувано од 20-годишниот Д.П. од Скопје, при што била причинета материјална штета.
При преземање мерки и вршење на увидот, полициските службеници констатирале дека И.А.Л. возел под дејство на алкохол, односно му биле измерени 3,29 промили во крвта.
За настанот е известен јавен обвинител, а возилото било одземено. По целосно документирање на случајот, против него ќе биде поднесена соодветна пријава.
