Неделата за една екипа доставувачи во Дубровник започнала прилично „весело“. Нивниот камион, имено, бил неколку сантиметри превисок за да помине низ преминот во ѕидините, па таму заглавил. Внатрешната порта од Плоча, на источниот влез во старото градско јадро на Дубровник, поради тоа извесно време била затворена, сè додека екипата не успеала да го ослободи камионот – и тоа со прилично иновативен метод.

Хоп, хоп, хоп … 

Според видеото што на „X“ го објави дубровничкиот туристички водич Иван Вуковиќ, може да се види како „мајсторите“ ја спуштиле задната товарна рампа од камионот, по која четворица од нив ритмички потскокнувале за малку да го спуштат товарниот дел на возилото. Иако видеото е прекинато по само осум секунди, се чини дека операцијата била успешна, односно дека преминот кон улицата „Свети Доминик“ и тврдината Ревелин повторно бил прооден.