Денешните временски услови во Македонија носат многу топло и сончево време, а најавите укажуваат на продолжување на топлотниот бран со температури што ќе надминат 40 степени следната недела.
Сончево и многу топло време ја очекува Македонија денеска. Максималната дневна температура ќе достигне од 33 до 39 степени, додека утринската ќе се движи од 9 до 18 степени. Ќе дува слаб до умерен ветер од југоисточен правец.
Во Скопје ќе биде сончево и топло со слаб ветер од променлив правец. Температурата ќе се движи од 18 до 38 степени.
Според најавите на синоптичарите, топлотниот бран нема наскоро да попушти. Напротив, до крајот на следната недела температурите ќе продолжат да растат и на повеќе места ќе надминат 40 степени. Високите температури ќе се задржат и во вечерните и ноќните часови, па освежување речиси и нема да има.
