Премиерот на Молдавија, Александру Мунтеану, ненадејно поднесе оставка, повлекувајќи се од функцијата и предизвикувајќи оставка на целата влада. Тој изјави дека ќе продолжи да ѝ служи на земјата од која било позиција.
Премиерот на Молдавија, Александру Мунтеану, денес ненадејно поднесе оставка од својата позиција.
Овој потег подразбира оставка на целата влада.
Тој ја извршува функцијата премиер на Молдавија од ноември минатата година, а не изјави зошто сега се повлекува.
„Во моментот кога сфатив дека повеќе не можам да го извршувам својот мандат во согласност со моите принципи и верувања, решив да поднесам оставка“, напиша тој на Икс.
Тој додаде дека ќе продолжи да ѝ служи на својата земја од која било позиција на која ќе се најде, без оглед каде живее или дали ќе биде во јавниот или приватниот сектор.
