Потврден е случај на Денга треска кај 42-годишен маж од Бангладеш кој пристигнал во Македонија на работа и е хоспитализиран на Инфективната клиника. Надлежните уверуваат дека вирусот не се пренесува од човек на човек, туку преку убод на комарец и нема простор за паника.
Случај на Денга треска е потврден кај 42-годишен маж од Бангладеш кој пристигнал во Македонија на работа и сега е сместен на Инфективната клиника. Тој е во стабилна состојба, а надлежните уверуваат дека нема простор за паника оти вирусот што ја предизвикува не се пренесува од човек на човек, туку само од убод на комарец во тропски подрачја.
Дирекорот на Инфективната клиника доктор Фадил Цана вели дека случајот бил лабараториски потврден и додава дека состојбата пациентот е стабилен.
-Станува збор за 42-годишник од Бангладеш, работник во една од градежните компании во нашата земја. Кај него симптомите почнале пред да дојде во земјава со треска, температура. Кога дошол во земјава пројавил симптоми и по конуслтација со лекар бил упатен на Клиниката, вели Цана.
Директорот на Инфективната клиника уверува дека граѓаните треба да бидат спокојни, затоа што не постои ризик за ширење на болеста, бидејќи таа, според него, се пренесува исклучиво преку убод на тигрест комарц во топла и тропска и субтропска клима.
- Македонија како што знаеме не е ендемска зона на тропски болести, но сите лица кои патуваат од тие тропски или суптропски области а потоа почувствуваат некакви симптоми треба да се проверат, нагласува Цана.
Првите симптоми на Денга вирус се треска, температура, болки по телото, општа малаксаност и карактеристично е што ова спаѓа во таа група на заболувања, кадешто има и крварење.
