Франција потврди прв случај на ебола кај лекар што се врати од хуманитарна мисија во Конго, каде што е прогласена епидемија. Состојбата на лекарот е стабилна, а властите го оценуваат ризикот за населението како многу низок.
Франција го потврди првиот случај на ебола во земјата. Станува збор за лекар кој се вратил од хуманитарна мисија во Демократска Република Конго и веднаш бил примен во специјализирана здравствена установа. Според француското Министерство за здравство, неговата состојба е стабилна.
Во Конго минатиот месец беше прогласена епидемија на ебола, при што се регистрирани околу 1.000 случаи на зараза и повеќе од 260 смртни случаи.
Француските власти соопштија дека ризикот за населението е „многу низок“ и дека се спроведува идентификација на лицата кои можеби биле во контакт со заразениот лекар.
Актуелната епидемија е предизвикана од сојот Бундибуџо, за кој засега не постои вакцина. Поради тоа, Франција воспостави посебен систем за надзор на хуманитарните работници кои се враќаат од Конго.
