Богданка Кузеска, портпаролка на СДСМ, истакнува дека козметичките промени во власта не ја решаваат суштината и ја обвинува ВМРО-ДПМНЕ и нивниот лидер Мицкоски за водење на државата кон изолација и продолжување на кражбите додека народот осиромашува.
Козметички промени нас не не интересираат. Кој и да го стават, знаеме кој вистински води и каде оди. Мицкоски и неговата криминална група водат во изолација. Продолжува кражбата додека народот осиромашува, истакна Богданка Кузеска, портпаролка на СДСМ.
Неговата влада, додаде таа, е иста како и партијата, само фан-клуб на Мицкоски. Затоа, вели сеедно е дали тој седи и потпишува или некој друг.
„Други имиња, иста приказна. А кој работеше добро?
Мицкоски за себе и за својата банда – тоа сигурно работеше добро.
И оние партиски фирми на „татко“ кој не е татко, тендерите 161 за една, 51 за друга, 93 за трети, тендерите на Пошта за советникот од ЗНАМ. Тие работат добро – за себе“.
Останатото, оценува Кузеска, е само театар за јавноста.
