Филмот „Црната топка“ (La bola negra) со Пенелопе Круз во главната улога беше премиерно прикажан во четврток навечер на Филмскиот фестивал во Кан и доби 16-минутни овации, речиси достигнувајќи го еден од најимпресивните реакции на публиката во историјата на фестивалот, пишува „Вараети“.
Режијата ја потпишуваат Хавиер Калво и Хавиер Амброси, познати како „Лос Хавис“, кои со овој проект го имаат своето деби во главната натпреварувачка програма во Кан. Филмот е нивно прво долгометражно остварување во официјалната селекција и е во трка за наградите „Златна палма“ и „Квир палма“.
За време на долгите овации, целата филмска екипа беше видно емотивна, а Пенелопе Круз во еден момент не можеше да ги задржи солзите.
Филмот е инспириран од недовршено дело на шпанскиот поет Федерико Гарсија Лорка и ја следи приказната за три меѓусебно поврзани животи на хомосексуални мажи во три различни епохи — 1932, 1937 и 2017 година. Приказните се поврзани преку теми како желба, загуба, болка и наследство меѓу генерациите.
Во актерската екипа, покрај Пенелопе Круз, настапуваат и шпанскиот музичар Гитарикаделуфуенте, Мигел Бернардеу, Карлос Гонзалес, Мило Куифес и Лола Дуњас, како и американската актерка Глен Клоуз во споредна улога.
Los Javis’s Spanish film 'La Bola Negra’ received a 20-minute standing ovation at the 2026 Cannes Film Festival. The longest of the year. pic.twitter.com/2FaFBHMuHC
— Lost In Film (@LostInFilm) May 21, 2026
Сценариото е ко-потпишано од Калво и Амброси заедно со драматургот Алберто Конехеро, а делумно е инспирирано од четири зачувани страници од недовршен роман на Лорка, напишан пред неговото убиство во 1936 година, како и од драмата „Камениот камен“.
Филмот е снимен во период од 12 недели на повеќе локации во Шпанија и Грција, а во продукцијата учествуваат повеќе компании, меѓу кои и „Ел Десео“, „Мовистар Плус+“ и „Ле Пакте“.
За време на аплаузот, режисерите одржаа емотивен говор во кој ја истакнаа важноста на ЛГБТ правата, повикувајќи на отпор кон секое уназадување на тие слободи, што дополнително беше поздравено од публиката со силни овации.
Филмот веќе е опишан како едно од најзначајните шпански остварувања во годинешната селекција на Канскиот фестивал.
