Во Сан Диего се случи пукање во Исламскиот центар каде што двајца тинејџери убија тројца мажи пред џамијата, а потоа двајцата осомничени беа пронајдени мртви од самонанесени рани. Инцидентот се третира како злосторство од омраза, а полицијата и ФБИ спроведуваат истрага.
Двајца тинејџери отворија оган во Исламскиот центар во Сан Диего во Калифорнија во понеделник, убивајќи тројца мажи пред џамијата, од кои едниот бил обезбедувач, пред двајцата осомничени да бидат пронајдени мртви од очигледни самонанесени рани од огнено оружје, соопшти полицијата.
Сите деца што одат во училиштето кое е дел од Исламскиот центар – најголемата џамија во регионот во близина на мексиканската граница – се пронајдени и се безбедни по пукањето, кое избувна непосредно пред пладне по локално време, изјави началникот на полицијата во Сан Диего, Скот Вал.
NEW: Children at a nearby school are escorted out by police after an active shooter was reported at the Islamic Center of San Diego.
2 teen suspects are dead from what appear to be self-inflicted gunshot wounds, according to police.
Officials say at least 3 adult male victims… pic.twitter.com/fTkpiHEas3
— Fox News (@FoxNews) May 18, 2026
Вал рече дека ФБИ е повикано да помогне во истрагата на инцидентот, за кој рече дека властите го третираат како злосторство од омраза.
Сведок изјави за Си-би-ес дека слушнал до 30 истрели испукани од она што мислел дека се „полуавтоматски оружја“. Тој рече дека прво слушнал околу десетина истрели, потоа пауза, а потоа уште десетина. „Добро е што ова не се случило во петок, бидејќи улиците би биле полни со луѓе“, додаде тој.
BREAKING: 2 suspects killed in Islamic Center of San Diego shooting, threat neutralized — police pic.twitter.com/Ye9QFnRJnk
— Rapid Report (@RapidReport2025) May 18, 2026
Гувернерот на Калифорнија, Гевин Њусом, изјави дека е „згрозен од денешниот насилен напад“ во центарот „каде што семејствата и децата се собираат, а соседите се молат во мир и единство“. Тој додаде дека Калифорнија „нема да толерира терористички акти или заплашување на религиозните заедници“.
.@POTUS on the San Diego mosque shooting: "They're giving a briefing on it… It's a terrible situation. I've been given some early updates, but we're going to be going back and looking at it very strongly." pic.twitter.com/q2nccuzEUk
— Rapid Response 47 (@RapidResponse47) May 18, 2026
Претседателот на САД, Доналд Трамп, го нарече нападот „ужасна ситуација“. „Добивме првични информации, но ќе ги сфатиме многу сериозно“, рече тој. ФБИ ги повика граѓаните да се јават со какви било информации што би можеле да помогнат во истрагата.
Десетици полицајци повикани на местото на настанот ги пронајдоа телата на тројца мажи поврзани со џамијата, кои беа застрелани пред зградата, вклучувајќи го и еден обезбедувач за кој велат дека можеби помогнал да се спречи понатамошно крвопролевање.
Footage shows children being escorted out of the Islamic Center of San Diego after today’s deadly shooting in California.
Via @husseinmizoury pic.twitter.com/flFIESGirr
— Open Source Intel (@Osint613) May 18, 2026
Кратко потоа, полицијата ги откри телата на двајца тинејџери, на возраст од 17 и 19 години, во возило на средина од улицата. Тие починаа од самонанесени рани од огнено оружје, рече Вал на прес-конференција.
