Во основно училиште во Скопје се случил физички напад врз девојче, додека целата случка била снимена од друг соученик. Инцидентот е пријавен до полицијата, а училиштните стручни служби работат на расчистување на случајот и преземање соодветни мерки.
Ученичка била нападната во основно училиште во Скопје, а нејзин соученик снимал со мобилен телефон.
Според информациите на МВР, вчера М.Д.(52) од Скопје пријави дека на 08 мај околу 12:00 часот во дворот на основно училиште на подрачјето на Бит Пазар во Скопје, неговата малолетна ќерка била физички нападната од нејзина соученичка, при што настанот бил снимен со мобилен телефон од друг малолетник.
Известени биле стручните служби во училиштето, а по целосно расчистување на случајот ќе следуваат соодветни поднесоци.
Фото: Depositphotos/илустрација
