Нов удар врз слоободата на медиумите и демократијата. Христијан Мицкоски си го постави пријателот и почесен конзул на Гвинеја, Зоран Ристоски – Ѓузо за директор на МТВ, велат од СДСМ.
Од партијата додаваат дека единствена квалификација на Ристовски е близината лично со премиерот Мицкоски.
„Еден конзул за енергетика – Адамовиќ, сега уште еден конзул за МТВ по шемите на Мицкоски. Наместо националниот јавен сервис да биде еден од столбовите на демократијата и во служба на објективно информирање на граѓаните, Мицкоски гo претвори во партиски мегафон на неговата организирана криминална група. Со ставањето во канџите на Мицкоски се заокружува целосната партизацијата и на државната МТВ. Ова е дел од пошироката стратегија на целосна контрола врз институциите и медиумите. Го окупираше правосудниот систем, си постави свои судии и обвинители на кои јавно им дели задачи, МВР се користи како во времето на Груевски, нема заштита на податоците од камерите на „safe city“. Преку Орбановата мрежа, контролира над 40% од медиумите кои се злоупотребуваат за црни кампањи, изислени афери и дефокус од реалните проблеми на граѓаните. Сега е поклопен и националниот јавен сервис. Се вративме во времето на Никола Груевски од 2016 година. На власта и се брза, снемува пари, следат истраги за бизнисите со Орбан во Унгарија. Затоа сакаат да ја укинат техничката влада и кога ќе снема пари да распишат избори“, пишува во соопштението.
