Рускиот амбасадор во Венецуела, Сергеј Мелик-Багдасаров, изјави дека Москва внимателно ќе го разгледа барањето за азил на венецуелскиот претседател Николас Мадуро, доколку тој биде прифатен.
„Немаше барање за азил за венецуелскиот претседател Николас Мадуро, барем не преку нас. Мислам дека доколку беше примена таква молба, руската страна внимателно ќе го разгледаше“, рече Мелик-Багдасаров, коментирајќи го прашањето дали Русија би била подготвена да му даде азил на Мадуро доколку САД го ослободат од затвор, пренесува Танјуг.
Како што рече во интервју за ТАСС, „Мадуро и неговата сопруга, кои беа киднапирани од Вашингтон како резултат на вооружена агресија со кршење на меѓународното право и здравиот разум, мора да бидат ослободени“.
На 3 јануари, САД нападнаа цивилни и воени цели во Венецуела, заробувајќи ги и евакуирајќи го претседателот и неговата сопруга.
Два дена подоцна, на 5 јануари, Мадуро и неговата сопруга се појавија пред федералниот суд во Њујорк. Тие беа обвинети за вмешаност во трговија со дрога, но се изјаснија за невини.
