Ѕвездата на серијата „Elite“, 26-годишната Експозито и 27-годишниот француски напаѓач на Реал Мадрид биле снимени во среда, на 1 април, како се гушкаат во автомобил во главниот град на Шпанија.

Шпекулациите за можна романса меѓу нив првпат се појавија пред околу еден месец, кога биле фотографирани како влегуваат во ист автомобил во Париз. При нивната најнова средба, Мбапе бил снимен како чека во автомобилот додека Експозито отишла во локално кафуле да земе пијалаци. Кога се вратила во возилото, двајцата размениле прегратка.

Еден од најдобрите фудбалери во светот

Мбапе моментално важи за еден од најдобрите фудбалери во светот. Престижниот магазин „Sports Illustrated“ неодамна го рангираше како втор најдобар играч кој ќе се натпреварува на овогодишното Светско првенство.

Исклучително е популарен и на социјалните мрежи, а на Инстаграм го следат повеќе од 131 милион луѓе.

Ѕвезда на сериите на Нетфликс

Експозито е шпанска актерка која светската слава ја стекнала со улогата на Карла Росон Калеруега во популарната серија на Нетфликс „Elite“.

Таа исто така имала главна улога и во серијата на Нетфликс „Bandidos“, а и таа ужива голема популарност на социјалните мрежи, со повеќе од 24 милиони следбеници на Инстаграм.