Пролетта пристигна, и како и повеќето од вас, веројатно првите асоцијации за ова годишно време се зеленилото, сонцето и цвеќињата.

Во продолжение ви пренесуваме неколку предлог имиња кои се инспирирани од пролетта.

Љубица

Тоа е женско име од старословенско потекло. Постојат толкувања дека потекнува од растението темјанушка, но постои и толкување дека потекнува од глаголот „љуби“.

Љиљана

Женско име изведено од името на цветот крин. Изборот на такво име ја претставува желбата на родителите детето да биде, пред сè, убаво, нежно, мило, рафинирано. Според едно толкување, името е преземено од англискиот јазик, односно е превод на името Лилијан.

Роза

Името е изведено од латинскиот збор rosa што значи цвет, роза. Им се дава на девојки со желба да бидат убави и нежни како роза.

Ирис

Ова име е многу популарно во последните неколку години. Постојат неколку теории за потеклото на името Ирис, едната е дека е изведено од прекрасниот цвет на ирисот. Друга теорија е дека ова убаво женско име потекнува од античкиот грчки јазик и грчката митологија, имено од божицата Ирис, односно „гласникот Божји“, која е симболизирана со виножито.

Цвета

Потекнува од именката цвет, и повторно, им се дава на девојки со желба да бидат нежни и убави како цвет.

Невена

Ова прекрасно име е изведено од цветот невен. Потекнува од релативно поново време, кога кај народот се развил обичајот за давање имиња по цвеќиња.