Претставен е нов робот опремен со технологија што му овозможува речиси моментално да стане „аватар“ на човечки оператор.
Моделот „Titan 01“ користи оперативен систем наречен „General Action Expert“ („GAE“), кој овозможува имитација на движењата во реално време. Овој систем му овозможува на хуманоидниот робот да ги преслика движењата на лице кое носи специјално дизајниран костум, и тоа во рок од само неколку милисекунди.
Роботот е способен да ја задржи рамнотежата и координацијата додека изведува различни движења, што го прави исклучително напреден во однос на досегашните решенија. Кинескиот стартап „Westlake Robotics“ наведува дека системот „GAE“ овозможува имитација на движењата без ограничувања во однос на времето или околината.
Chinese robotics company Westlake Robotics has unveiled its humanoid robot, Titan o1, powered by its independently developed large model, General Action Expert (GAE). The system enables real-time imitation of human movements, without constraints of time or space. #robot #robotics… pic.twitter.com/7xQ9FNdDKP
— China Xinhua News (@XHNews) March 24, 2026
Тоа значи дека еден оператор може истовремено да управува со повеќе роботи, при што секој од нив изведува идентични задачи целосно синхронизирано.
За време на демонстрацијата, операторот изведе низа движења, вклучувајќи мавтање, вртење и шутирање топка. „Titan 01“ го реплицираше секое движење речиси моментално, во рок од само неколку милисекунди.
