Првиот заменик-претседател на Владата и министер за европски прашања, Беким Сали, денес учествуваше на церемонијата за доделување грантови во рамки на повикот „Зајакнување на јавниот ангажман и комуникацијата на патот кон членство во ЕУ“.
Во своето обраќање, Сали истакна дека европската интеграција останува највисок стратешки приоритет и неповратен правец на државата. Тој нагласи дека по завршувањето на скрининг фазата, земјата влегува во одлучувачка фаза каде фокусот е ставен на конкретна имплементација на реформите и постигнување мерливи резултати.
Тој ја истакна и важноста од градење јавна доверба, транспарентна комуникација и вклучување на граѓаните во процесот на европска интеграција, потенцирајќи дека овој процес не е само институционален, туку и општествен.
Сали им честиташе на добитниците на грантовите и ја поздрави поддршката од меѓународните партнери, нагласувајќи дека проектите ќе придонесат за поинклузивен и потранспарентен процес.
На крајот, тој изрази очекување дека проектите ќе донесат конкретни резултати и ќе ја зајакнат довербата на граѓаните во европскиот пат на државата.
