Сепак, многу земји излегуваат во пресрет на странците, креирајќи поволни програми за преселување. Некои дури нудат и значителни суми пари за преселба.

Зошто го прават тоа?

Постојат земји и градови кои од различни причини итно сакаат нови постојани жители. За да го зголемат бројот на населението, властите материјално ги поддржуваат оние што доаѓаат. Еве каде можат да ве пречекаат со раширени раце:

Понга, покраина Астурија, Шпанија

Населението на ова мало европско село брои само 800 луѓе, па ќе ве пречекаат како член на семејството. На младите семејства за преселување им плаќаат 3.000 евра и исто толку за секое дете родено по преселувањето. Единствено правило? Потребно е да живеете во покраината Астурија најмалку пет години.

Сепак, тоа не е тешко, бидејќи таму е неверојатно убаво и чисто. Малку е здодевно за некои, но властите нудат вакви поволности со причина - сакаат да привлечат млади жители и да ја зајакнат економијата.

Хармони, држава Минесота, САД

Холивудскиот сон е прекрасен, но продолжувањето на животот во „Градот на ангелите“ не е воопшто едноставно. Поинаку е во малиот град Хармони во Минесота. Населението брои само 1.000 луѓе, а новодојденците се повеќе од добредојдени.

Вашите години не се важни, како ни државјанството, работата или приходот. Најважно е да дојдете и да изградите куќа, а за изградбата ќе ви надоместат од 4.000 до 10.000 евра.

Мишима, Јапонија

Јапонската населба Мишима се наоѓа на три мали острови, а таму живеат само околу 400 луѓе. Населението е старо и брзо се намалува, па властите на новите доселеници им нудат месечен надомест од 650 евра во траење од три години.

Освен тоа, веднаш по преселувањето добивате пари (речиси 4.000 евра), крава и дополнително покриени трошоци за патување. Меѓутоа, животот таму не е за секого. Природата е прекрасна, но нема многу активности.

Локана и Боргомецавале, Италија

Секоја четврта италијанска општина станува „град на духови“. Поради тоа во многу од нив се понудени вакви поволни услови. Во малиот, но богат град Локана, за преселување плаќаат околу 9.000 евра. За тоа зборуваше градоначалникот Џовани Бруно Матијет.

„Во Локана ве очекува здрав живот, одлична храна и фолклорни манифестации во текот на целата година. На новите жители им обезбедуваме субвенција од 9.000 евра во период од три години за преселување и раѓање дете. Уште 2.000 евра добиваат оние што сакаат тука да започнат бизнис“.

Во општината со сложено име Боргомецавале условите се уште поинтересни. Можете да купите напуштена планинска вила за едно евро! Единствено правило е да ја обновите во рок од две години. За секое дете родено по преселувањето добивате 1.000 евра.

Островот Антикитера, Грција

Живот во бела куќичка, капење во тиркизно море, сончање и уживање во грчката кујна. Зарем тоа не е сон? Понудата е уште попривлечна, бидејќи за преселување добивате 500 евра месечно во период од три години.

Во што е „финтата“?

„Зошто таму недостигаат луѓе?“, логично се прашувате, знаејќи дека бесплатното сирење е само во стапица за глувци. И „финта“ навистина постои.

Како што забележавте, на многу од споменатите места нешто не функционира. Нема забава, урбани погодности, работни места и слично. Поради тоа младите се селат во поголеми градови и земји.

Тука населението полека исчезнува, бидејќи на овие места остануваат главно возрасни и постари луѓе. Сепак, ако сонувате за мирен живот во еколошки чиста средина, оваа опција може да биде идеална.