Повторно се покачија цените на горивата во земјава. Иако Христијан Мицкоски најавуваше поевтинување, наместо тоа, граѓаните добија ново поскапување од 7 денари по литар, велат од СДСМ.
„Уште една лага на Мицкоски која директно удира по џебот на граѓаните. Тоа се мерките на тендер коалицијата ВМРО/ЗНАМ. Граѓаните ги прават луди. Наместо намалување од 2,5 денари – поскапување од 7 денари.
Ова е второ сериозно покачување, а владата не презема никакви мерки за заштита на животниот стандард.
Поскапувањата на бензините ќе предизвика нов бран поскапувања – на храната, основните производи, па дури и на струјата. После цените на горивата и да се стабилзираат цените во маркетите ќе останат високи.
Само за една недела, граѓаните платија дополнителни 3 милиони евра. Со новото покачување, таа сума ќе достигне 4,5 милиони евра неделно – што е директен удар врз семејните буџети и економијата“.
Додека земјите од регионот преземаат конкретни чекори за помош на граѓаните, според СДСМ, кај нас власта молчи и се грижи само за сопствените бизнис интереси и тендери.
„СДСМ подготви пакет законски решенија кои ќе ги достави во Собранието:
-Намалување на ДДВ за горивата од 18% на 5%
-Намалување на акцизата за 4 денари
-0% ДДВ за основните прехранбени производи
-Преполовување на цените за патарините
Владата мора веднаш да реагира и да ги прифати овие мерки.
Граѓаните не можат повеќе да чекаат. Животниот стандард мора да се заштити веднаш.
Ова е веќе втор пат да нудиме решение. Не го прифаќаат, што значи дека тоа го прават намерн“.
