Белата куќа објави анимирано видео: Нападите во Иран ги објасни преку метафора со куглање

Видеото, кое трае приближно 34 секунди, користи метафора со куглање: иранските функционери се прикажани како чунови, а американскиот напад е прикажан како топка со пруги во боите на американското знаме што ги соборува.

На крајот е прикажана снимка од ракетата. Видеото е придружено со натпис „УДАР“.

Белата куќа објави неколку вакви видеа во последните недели кои комбинираат снимки од вистински напади врз ирански цели со елементи од филмови, видео игри и други медиуми како дел од операцијата „Епски гнев“, чија цел, според официјалните изјави, е уништување на ракетниот арсенал и морнарицата на Иран и спречување на развојот на нуклеарно оружје.