Големото финале во Бразил донесе хаос од невидени размери: Масовна тепачка заврши со тупаници, клоци и 23 црвени картони!

Завршниот меч меѓу Крузеиро и Атлетико Миениро ќе се памети и прераскажува уште со години во оваа сојузна земја во Бразил, од едноставна причина што сите актери на двата тима режираа хаос што е незамислив за еден фудбалски меч.

Се започна со дуел меѓу голманот на Атлетико Минеиро и напаѓачот на Крузеиро, а потоа целата нервоза се пренесе и кај сите останати играчи на теренот, но и меѓу луѓето од стручниот штаб.

Во неверојатната улична тепачка која ја гледавме на теренот, голем број од играчите си разменија тупаници и клоци, а најтешката работа ја имаше главниот судија.

Официјалниот записник од Бразил вели дека дури 23 играчи заработиле директни црвени картони, па финалето кое заврши со 1:0 никој нема да го памети по резултатот, туку по хаосот и општата тепачка на теренот.