Канадскиот премиер Марк Карни денес ги повика сите страни во американско-израелската војна против Иран брзо да ги деескалираат непријателствата и, додека, од една страна, ги поддржуваше нападите врз Иран, додаде дека зазема таков став „со жалење“, според CNN.
Карни, кој е во Австралија на турнеја низ Индо-Пацификот, им рече на новинарите во Сиднеј дека што се однесува до Иран, Канада „долго време го поддржува императивот за неутрализирање на оваа сериозна глобална закана“.
„Сепак, заземаме таков став со жалење, бидејќи сегашниот конфликт е уште еден пример за неуспехот на меѓународниот поредок“, додаде канадскиот премиер.
Карни ги критикуваше САД и Израел пред новинарите во Сиднеј за започнување на нападот „без вклучување на Обединетите нации и без консултации со сојузниците, вклучително и Канада“.
Канадскиот премиер рече дека Иран со нуклеарно оружје би претставувал „огромна закана“ и го опиша теократскиот исламски режим во Техеран како „најголем извозник на тероризам во светот“ кој „уби десетици Канаѓани“.
Иако Иран инсистираше дека неговата нуклеарна програма е исклучиво за мирновременски цели, Карни рече: „Никој нема цивилна нуклеарна програма на милја и пол под пустината“.
„Тоа е закана“, рече тој.
