[ВИДЕО] Хилари Клинтон по едно прашање нагло ја прекина прес-конференцијата

Хилари Клинтон нагло ја прекина прес-конференцијата откако новинарите ја прашаа зошто Гислејн Максвел била меѓу гостите на свадбата на нејзината ќерка, како и за пресудата поврзана со тужбите на Вирџинија Џуфре.

Клинтон кусо одговорила дека Максвел дошла како придружба на лице кое било покането на свадбата, по што ја прекинала прес-конференцијата.

Поранешната државна секретарка и некогашна прва дама им се обратила на медиумите по сведочењето пред Конгресот. Таа изјавила дека немала никакви сознанија за злосторствата на Џефри Епстин. Воедно ги повикала законодавците под заклетва да го испрашаат претседателот Доналд Трамп за неговите претходни врски со починатиот финансиер и осуден сексуален престапник.

„Сакам вистината да излезе на виделина“, порача Клинтон по повеќечасовното сведочење зад затворени врати пред одборот што го истражува случајот „Епстин“.

Нејзиниот сопруг, поранешниот претседател Бил Клинтон, треба да сведочи денес пред истиот одбор.