[ВИДЕО] Погоден објект во Русија важен за нафтоводот „Дружба“

Според снимките што се проширија на интернет, на местото избувна голем пожар, а пламените се издигаа високо над објектот. Регионалните власти потврдија утрово дека е нападнат индустриски објект.

Руските власти во официјално соопштение соопштија дека „малиот пожар“ е предизвикан од остатоци од дрон. „Нема повредени. Службите за итни случаи работат на отстранување на последиците. Ситуацијата е под контрола“, соопшти регионалната администрација.

Станицата „Калејкино“ е најмоќниот објект од ваков вид во регионот и еден од клучните логистички центри на рускиот енергетски систем. Тука се меша нафта од различни делови на Русија, вклучувајќи го Западен Сибир и регионот Волга, пред да биде испратена за извоз. Фабриката одржува притисок и континуиран проток на сурова нафта во цевководот „Дружба“, а истовремено снабдува рафинерии во Татарстан.

Штетата на тој објект би можела директно да влијае на руската воена економија, пишува „Украинска правда“. Приходите од нафта и гас сочинуваат околу една третина од федералниот буџет на Русија, од кој се финансира војната против Украина, а Калејхино претставува една од почетните точки во синџирот што ги насочува ресурсите кон европските пазари.