Иако ваквите тврдења треба да се земат со резерва, состојките во овој напиток се богати со влакна, витамини и антиоксиданти, што може да придонесе за подобра хидратација и полесна дигестија.

Напиток од ананас и морков

Потребно ви е:

половина ананас

половина краставица

еден морков

сок од половина лимета (или половина помал лимон)

малку мед по вкус

Подготовка:

Во блендер ставете половина ананас, половина краставица, еден морков и малку вода, па блендирајте околу една минута. Добиената смеса процедете ја, а потоа додадете сок од половина лимета и малку мед по вкус.

Ананасот содржи бромелаин, ензим кој може да помогне во разградувањето на протеините, краставицата придонесува за хидратација, додека морковот обезбедува бета-каротен и придонесува за внес на антиоксиданти. Лиметата дава освежителна нота и дополнителен витамин Ц.

Сепак, важно е да се нагласи дека ниту еден напиток не може да ја замени урамнотежената исхрана, лекарската терапија или да реши сериозни здравствени проблеми. Ваквите сокови можат да бидат пријатен додаток на здравите навики во исхраната, особено како лесен утрински или попладневен напиток, но не и „чудотворно решение“.