Принцот Бернхард и принцезата Анет од холандското кралско семејство и династијата Оранже-Насау неодамна ја објавија тажната вест дека по 25 години брак, решиле да се разведат.

„Ова го правиме по меѓусебен договор и со меѓусебно почитување“, потврдија тие во заедничка изјава објавена од Кралскиот дом на Холандија, во која истакнаа дека ќе продолжат заедно да ги одгледуваат своите три деца: Изабела, Самуел и Бенџамин ван Воленховен и побараа приватност во иднина.

Член на холандското кралско семејство, принцот Бернхард е втор син на принцезата Маргарет од Холандија и нејзиниот сопруг Питер ван Валенховен.

Сепак, откако неговиот братучед, кралот Вилијам-Александар, се искачи на тронот во 2013 година, принцот Бернхард повеќе не е во директната линија на наследување.

Според веста на холандската телевизија „NOS“, по разводот од принцот Бернхард, Анет повеќе нема да ја носи титулата принцеза.

Љубовната приказна на принцот Берхард и принцезата Анет

Принцот Берхард и принцезата Анет се запознале на Универзитетот во Гронинген во 90-тите.

Тие се вериле на 11 март 2000 година.

Во јули истата година, тие одлучиле да се венчаат, а церемонијата ја водел градоначалничката на Утрехт, Ани Брауер-Корф.

Два дена подоцна, принцот Берхард и принцезата Анет се венчале во катедралата „Свети Мартин“ во Утрехт.

Две години по нивната венчавка, принцот Берхард и принцезата Анет ја добија ќерката Изабела во 2002 година, додека синовите Самуел и Бенџамин се родиле во 2004 и 2008 година.

Според официјалната веб-страница на Кралската куќа на Холандија, принцот Берхард е самовработен претприемач и многу ретко учествува во кралските должности.

Принцезата Анет е членка на Советодавниот совет на Фондацијата Папагено и соработувала со Фондацијата Белевенис.