Иако публиката навикнала да ја гледа во блескави, гламурозни комбинации на бројни доделувања на награди, легендарната Џејн Фонда овој пат ја изненадила јавноста со поинакво појавување.
Славната актерка била фотографирана на аеродромот во Лос Анџелес додека се движела во инвалидска количка. Во интервју за магазинот „Paris Match“ во јули 2024 година, Фонда зборувала за нејзиниот начин на живот, истакнувајќи дека и на постари години се чувствува одлично.
„Имам речиси 87 години, но се чувствувам прекрасно. Здрава сум, редовно вежбам, квалитетно се хранам, многу сум активна и ја задржав љубопитноста“, изјавила актерката тогаш.
Сепак папараците на 17 јануари ја забележале во издание кое многумина ги изненадило. И покрај тоа што користела инвалидска количка, холивудската икона не отстапила од нејзиниот препознатлив стил, носела елегантен капут од крзно, косата ѝ била совршено стилизирана, а носела и големи очила за сонце, јасно порачувајќи дека елеганцијата не познава години.
Инаку Фонда веќе неколку години повремено користи инвалидска количка за време на патувањата, пред сè како практично решение кое ѝ помага да ги растовари стапалата.
Иако ваквите сцени не се чести, ова не е прв пат актерката да се реши за ваков вид помагало. Слични фотографии се појавија и во мај 2023 година, кога исто така потврдила дека вистинскиот стил и самодоверба доаѓаат одвнатре без оглед на околностите.
Денес
