Новак Ѓоковиќ беше доста расположен за зборување по убедливата победа која ја оствари на стартот на Аустралијан Опен, грен слем кој го почна со сигурно издание против Педро Мартинез.
Српскиот тенисер му препушти само седум гејма на Шпанецот во текот на сите три сета и покажа дека може да игра извонредно на омилениот терен и во 38-та година од животот, а покрај тоа што извлече позитивни заклучоци за своето издание, Ноле го привлече вниманието и со изјавата која ја даде за Карлос Алкарас.
По тренерската разделба со Хуан Карлос Фереро, младиот Шпанец демонстрираше поинаква техника при сервис на стартот на годината, а бидејќи истата неверојатно потсетува на техниката која со години ја користи Новак Ѓоковиќ, Србинот сега му побара авторски права.
– Штом го видов како сервира, веднаш му испратив порака. Му реков дека ќе мора да поразговараме за авторски права……
– Кога дојде тука, му реков дека мора да зборуваме и за процент од неговата заработка. За секој испорачан ас, мора да ми даде процент. Ајде да видиме дали ќе се држи до договорот, – низ смеа изјави Ѓоковиќ.
™️ Novak y Carlos, algo nos dice que por aquí hay un contrato que firmar
— Eurosport.es (@Eurosport_ES) January 19, 2026
🎾 Djokovic habla sobre el nuevo saque de Alcaraz, una nueva rutina que muchos han relacionado con la del serbio
📌 "Le dije que tenemos que hablar sobre porcentaje de sus ganancias" pic.twitter.com/ybWrAbQwRg
Djokovic and Alcaraz serves, side by side pic.twitter.com/WdzgBixP09
— The Big Three (@Big3Tennis) January 13, 2026
