Многу патници размислуваат за алтернативи за своите одмори во 2026 година, бидејќи сè повеќе се чувствуваат непожелно во популарните туристички места.

Експертите за патување на списанието „Тајм аут“ неодамна составиле листа на често занемарени дестинации за зимски одмор, а една од Канарските Острови, која ужива во температури од околу 20 степени во јануари е издвоена. Освен одличното време, тука нема огромни толпи туристи.

Ла Гомера има помалку туристи од Тенерифе и Ланзароте. Таа е еден од помалку познатите Канарски Острови, во сенка на блискиот Тенерифе кој е оддалечен само 34 километри. Ова е еден од помалите острови на архипелагот, со население од околу 22.000 жители.

„Иако сме големи обожаватели на Тенерифе, Ланзароте и Фуертевентура, препорачуваме да ја земете предвид Ла Гомера“, се спомнува во објавата на „Тајм Аут“. Ако барате малку авантура тогаш ова е вистинскиот избор за вас.

Што да посетите во Ла Гомера?

Пешачењето во Националниот парк Гарахонај е едно од најимпресивните искуства на островот, со бујни шуми и врвови што нудат неспоредлив поглед на островот и околниот Атлантски Океан.

Ако сакате да се релаксирате за време на вашиот одмор, посетете ги плажите и местата како Плаја де Сантијаго, Вале де Хермигуа и Плаја Ла Калета, кои се мирни и живописни места по должината на брегот.

Островот има бројни одморалишта со базени и други содржини потребни за сончев одмор, од кои некои се блиску до брегот.

Нема директни летови до Ла Гомера, најчесто летате до Тенерифе, а потоа користите ферибот до помал остров.

Критиките за овој занемарен остров на Канарските Острови се претежно позитивни, а луѓето го опишуваат како „мирен“.

Една критика гласи: „Само кога ќе стигнете до место како Гомера, сфаќате колку е лесно да се стереотипизираат Канарските Острови. Можеби не е за секого (постари деца и тинејџери), но отсуството на ноќни клубови и улични продавачи е навистина освежувачко“.

Зимите во Ла Гомера се топли, додека летата се навистина спектакуларни, со температури околу 24 степени во август и септември.