Шпаркасе Банка АД Скопје ја заокружува оваа 2025 година со реотворање две реновирани експозитури – во Капиштец и во Чаир. Експозитурата во Капиштец се наоѓа на ул. „Народен фронт“ бр. 19, а експозитурата во Чаир на ул. „Џон Кенеди“ бр. 155 во Скопје. Двете експозитури се отворени секој работен ден, од понеделник до петок, во периодот од 8.00 до 16.00 часот.
Со реотворањето на овие експозитури, Шпаркасе Банка продолжува со унапредување на својата продажна мрежа, нудејќи им на своите клиенти подобрено и современо корисничко искуство за сите банкарски услуги. Просторите се реновирани во согласност со највисоките стандарди на Групацијата Штаермеркише Шпаркасе, со посебен фокус на функционалноста, удобноста, естетиката и отворената комуникација со клиентите.
Реновираните експозитури се изработени со употреба на еколошки и одржливи материјали, што ја одразува посветеноста на Банката кон одговорно и одржливо работење. Новиот концепт обезбедува поголем комфор, подобра организација на просторот и пријатна работна средина за вработените, како и повисоко ниво на услуга за клиентите.
Отворањето на експозитурите се реализира во годината кога Групацијата Штаермеркише Шпаркасе одбележува 200 години постоење – две столетија европска банкарска традиција, стабилност и експертиза. Како дел од оваа силна групација, Шпаркасе Банка АД Скопје ја комбинира европската експертиза со длабоко локално познавање на потребите на клиентите и на заедницата.
По повод отворањето на двете експозитури, свое обраќање имаше претседателот на Управниот одбор на Шпаркасе Банка, г. Санел Кустурица:
„Двесте години традиција на Групацијата Шпаркасе се темел на доверба, стабилност и континуирани иновации. Нашата цел е да бидеме банка што е навистина блиска до клиентите – банка што ги разбира потребите на граѓаните, а истовремено ги применува најдобрите европски практики. Со реновираните експозитури во Капиштец и во Чаир, продолжуваме да инвестираме во подобра достапност, поквалитетна услуга и долгорочна вредност за клиентите, вработените и за заедницата.“
Шпаркасе Банка АД Скопје останува посветена на континуирани инвестиции во инфраструктурата и во развојот на својата мрежа на експозитури, обезбедувајќи современи, функционални и клиентски ориентирани простори, во кои клиентите можат да ги користат атрактивните банкарски производи и услуги на едноставен и ефикасен начин.
Комерцијален текст
