Емили Ратајковски (34) била забележана во Њујорк во страсна прегратка со францускиот режисер Ромен Гаврас (44), со што ја потврди својата нова романса.
Парот прошета низ градот разменувајќи нежни погледи, а во еден момент Емили, со насмевка, му скокнала на Ромен во прегратка. Ова е нивно прво заедничко појавување во јавност. Емили носела кафеав кожен мантил со крзнени ракави, црн топ и широки црни панталони, додека Ромен избрал темносин капут преку беж кошула и сина маица.
За Емили ова е прва нова романса откако минатото лето беше поврзувана со кантри пејачот Шабузи. Пред тоа, медиумите ја поврзуваа со Хери Стајлс, комичарот Ерик Андре и други познати имиња.
Манекенката претходно беше во брак со филмскиот продуцент Себастијан Бер-Меклард, со кого го има синот Силвестер. По нивниот развод во 2022 година, таа јавно го обвини поранешниот сопруг за неверство.
Нејзиниот нов партнер, Ромен Гаврас, е познат по режија на музички спотови, вклучувајќи соработки со Канје Вест, Џеј Зи и пејачката М.I.A. Последниве години се фокусира на долгометражни филмови, а неговиот најнов филм „Sacrifice“ премиерно беше прикажан во септември на Меѓународниот филмски фестивал во Торонто и предизвика поделени реакции кај критиката поради контроверзната тематика.
Ромен е инаку поранешен партнер на пејачката Дуа Липа со кого беше 8 месеци во врска во 2023 година. Тој претходно беше во врска со Рита Ора во 2021 година.
