Карлос Алкарас отвори со победа на стартот на завршниот Мастерс турнир во Торино, откако шпанскиот тенисер успеа да најде решение за „демонот“ Алекс Де Минор.
Австралискиот тенисер понуди високо ниво на игра во првиот сет кој беше исклучително возбудлив, но во клучните моменти од тајбрејкот, повеќе нерви и смиреност имаше Карлито.
Just Alcaraz things 🥵
— Tennis TV (@TennisTV) November 9, 2025
An EPIC display of defence-to-attack brilliance from the world No.1!@carlosalcaraz #NittoATPFinals pic.twitter.com/zFR92irw2N
Алкарас со три поени во низа направи пресврт и го доби тајбрејкот со 7:5, а тоа беше почеток на крајот за Де Минор, кој во вториот сет не успеа да го одржи темпото под првиот.
Шпанецот беше далеку поубедлив во продолжение и му допушти само два грејма на ривалот, па со 7:6 и 6:2 ја запиша првата победа во својата група.
Програмата во Торино продолжува денеска со дуел од втората група, а на теренот силите ќе ги одмерат Александер Зверев и Бен Шелтон.
