[ВИДЕО] Јокиќ со чудесни асистенции ги остави противничките навивачи во неверување: „Ова е поезија“

Имено, трикратниот МВП на НБА лигата расположено влезе во средбата против домашниот тим Торонто Рапторс, а особено се издвојуваат две негови асистенции.

Особено внимание привлече едно додавање на Јокиќ и реакцијата на публиката откако успеа да го пронајде соиграчот без гледање, префрлувајќи ја топката речиси преку целата ширина на теренот.

„Ова е поезија“, беше објавено на профилот на Денвер по уште еден напад на екипата што заврши со нова асистенција на Јокиќ од тешка позиција и тројка на Кристијан Браун.

Инаку, Јокиќ за 20 минути игра немаше ниту еден промашен шут од поле (5/5), и погоди 7 од 9 слободни фрлања, а натпреварот го заврши со 17 поени, шест асистенции и пет скокови.

Брендон Инграм и Ар-Џеј Барет постигнаа по 19 поени за Торонто, а Денвер на крајот победи со резултат 112:108.