Ако некогаш сте се запрашале што прават вашите мачки кога ќе ја напуштат куќата, снимката што ја споделил сопственикот на една мачка нуди одговор на тоа прашање.
Тој ѝ закачил камера околу вратот и ја пуштил во авантура, а мачката при тоа снимила вистински акционен филм.
Мачката, имено, набрзо по излегувањето од куќата најпрво се впуштила во пресметка со првата мачка на која налетала, по што следела филмска потера полна со возбуди.
Упорно ја бркала по улицата, на која за среќа во тие моменти немало сообраќај, па со самото тоа немало ни ризик една од мачките да страда.
Во еден момент црно-белата мачка, која ја нападнала мачката со камерата, успеала да побегне, а оваа „акциона хероина“ потоа одлучила да тргне по друг пат.
