Кандидатот за градоначалник на Чаир од ДУИ, Бујар Османи, ги оцени како очајнички обвинувањата дека ДУИ наводно има коалиција со Левица. Тој изјави дека ваквите конструкции се обид на ВЛЕН да подготви оправдување за можен изборен пораз.
Османи нагласи дека ДУИ настапува обединето преку Националната алијанса за интеграција, која, според него, ја претставува волјата на мнозинството Албанци.
Тој порача дека изборите на 19 октомври се „судир меѓу два концепта – достоинството на Албанците или нивната подреденост“, и најави дека ДУИ ќе продолжи со позитивна и програмска кампања.
