Португалскиот фудбалер Кристијано Роналдо ја запроси Георгина Родригез по девет години врска, а сега се шпекулира колку чини нејзиниот свршенички прстен.
Таа сподели фотографија од прстенот на Инстаграм, воодушевувајќи ги своите бројни следбеници. Експертите за „Page Six“ изјавија дека неговата цена се движи помеѓу два и пет милиони долари.
Аџај Ананд, извршен директор на „Rare Carat“, проценува дека скапоцениот камен во средината содржи повеќе од 30 карати, поради што вредноста на прстенот би можела да изнесува пет милиони долари.
Од друга страна, Лаура Тејлор од компанијата „Lorel Diamonds“ процени дека овој камен има помеѓу 15 и 20 карати и дека чини повеќе од два милиони долари.
„Централниот камен е окружен со дијаманти, што додава уште повеќе сјај и го прави да изгледа уште поголем“, рече таа, додавајќи дека веројатно е вграден во платина поради безбедност.
„Ова е прстен што го одзема здивот и дефинитивно е еден од најимпресивните што сме ги виделе во последниве години, а кој совршено му прилега на еден од најпознатите фудбалски парови“, додаде таа.
