Познатата актерка и пејачка Зендеја и Том Холанд важат за еден од најомилените холивудски парови кога станува збор за помладата генерација.
Сите беа воодушевени кога на нејзината рака блесна вереничкиот прстен, и покрај тоа што често беа мета на потсмев поради разликата во висината. Сепак, изгледа дека подготовките за големиот ден сè уште не започнале.
Нејзин близок соработник го откри тоа за „E! News“.
„Сè уште не сме ни започнале со подготовките. Зендеја во моментов работи на неколку барани проекти, вклучувајќи го и продолжението на „Дина“, поради што е прилично отсутна. Има многу работа, но за среќа, има и време“, изјавил тој.
Не е ни чудо што во моментов немаат време за толку голема организација каква што бара свадбата, со оглед на тоа што и двајцата заедно учествуваат во неколку проекти. Тие работат на новиот „Спајдермен“, но и на адаптацијата на „Одисеја“, која ја режира Кристофер Нолан.
И покрај сè, нивната љубов наводно и понатаму е силна, па затоа и не се поставува прашањето дали ќе има свадба во иднина.
„Знам колку се сакаат и колку си се важни еден на друг. Заедно се веќе долго време и навистина сум возбуден за тоа што ги очекува“, заклучил изворот.
